Aliatu ezin hobea gara zure etxebizitza buruhausterik gabe alokatzeko. Guztiaz arduratzen gara -maizter fidagarriak aurkitzea, egunerokoa kudeatzea, ustekabeak konpontzea- eta komisioetan euro bakar bat ere kobratu gabe egiten dugu. Bai, ondo irakurri duzu: zero kostu gehigarri, gardentasuna baita gure leloa. Erabateko segurtasuna ematen dizugu, etengabeko jarraipenarekin, zure jabetza beti esku onetan egon dadin eta zuk lasai lo egin dezazun.
Badakigu segurtasuna, errentagarritasuna eta, batez ere, lasaitasuna bilatzen dituzula. Gure zerbitzua etikoa eta profesionala da. Ahaztu higiezinen agentzia hotz eta zaharkituak. Bitartekotza, konfiantza eta urrats bakoitzean zurekin dagoen talde bat eskaintzen dizkizugu. Zure etxebizitza propio alokatuko duzu, estresik gabe eta dena kontrolpean duzula bermatuta.
Alokairu motak
Agian pisu osoa alokatu nahi duzu, edo logela bakarra, edo zure etxea beste pertsona batzuekin partekatu. Hemen gaude dena ondo atera dadin eta alokairuaren onura ekonomiko eta sozialez gozatzeko aukera izan dezazun. Atera diezaiogun etekina zure etxebizitzari!
Etxekideak
Alokatu zure pisu osoa segurtasunez, diru-sarrera iraunkorrak eta zero kezka.
Etxebizitza osoa duzu alokatzeko? Etxekideak da aukera klasikoa, baina Limesen ukitu bereziarekin. Konfiantzazko maizterrak aurkitzeaz arduratuko gara, bakarrik dauden pertsonak, familiak edo lagun-taldeak.
Baina bada gehiago ere: kontratua eta egin beharreko edozein izapide ere kudeatuko ditugu. Erlaxatu eta hilero diru-sarrerak nola iristen diren ikusi besterik ez duzu egin behar, zure jabetza esku onetan dagoela ziurtatuta. Eta, gainera, behar duenari etxe duina eskaintzen diozu.
Pisukideak
Alokatu zure etxebizitzako gela libre bat.
Hautsa pilatzen ari den gela libre bat daukazu? Zure maizterrek etxekide berri bat behar dute? Etxean duzun giroarekin bat datorren pertsona bat aurkitzeaz arduratzen gara, eta pertsona hori kontu handiz hautatzen dugu, bertan egokitu dadin.
Diru-sarrera gehigarri bat ziurtatzeaz gain, prozesu guztiaz ere arduratzen gara: bilaketatik hasi eta kontratuetaraino, arauak errespetatuko dituen eta harmoniari eutsiko dion norbait aukeratzeaz gain. Erlaxatu eta onurez gozatu ahal izango duzu.
Nagusikideak
Adinekoa bazara, gela libre bat alokatu eta konpainia lor dezakezu.
Gela libre bat duen adineko pertsona bazara, espazio hori alokatu diezaiokezu behar duen norbaiti. Gastuei aurre egiten laguntzeaz gain, konpainia egingo dizu (nahi baduzu, noski). Aukera ezin hobea da lagunduta sentitzeko, kostuetan aurrezteko edo, besterik gabe, zure etxea partekatuz gozatzeko.
Maizterrak errespetuz jokatzen duela eta zure bizitza-erritmora egokitzen dela ziurtatuko dugu.
Zure etxebizitza alokatzeaz gain, aldea markatuko duzu. Gure egitekoa da pertsona guztiek, bereziki zaurgarrienek, etxe duina izatea, eta zu funtsezkoa zara horretan. Limesi esker, zure etxebizitzak diru-sarrerak sortuko dizkizu eta eragin positiboa izango du gizartean.
Egin apustu alokairu seguru eta erraz baten alde, eta, gainera, egin zure ekarpena gure gizarteari!
Zurekin egingo dugu
Jabe gisa, bidelaguntza zure segurtasun-sarea da. Zerbitzu integral bat eskaintzen dizugu, alokatzea erraza eta kezkarik gabekoa izan dadin, etengabeko laguntzarekin, zure interesak babestuz.
Maizterren bilaketa
Zure etxebizitzarako pertsona egokia aurkitzen lagunduko dizugu, prozesu argi eta fidagarri batekin.
Kontratuaren kudeaketa
Aholkatu egingo zaitugu etxebizitzaren kontratua egiterakoan, lege- eta administrazio-gaietan gidatuz.
Zure etxea zaintzen dugu
Konponketak bideratu eta koordinatuko ditugu, zure jabetza egoera onean mantenduz.
Aholkularitza integrala
Alokairua konfiantzaz kudeatzeko tresnak eta aholkuak eskaintzen dizkizugu, betiere gure babesarekin.
Alokairua prozesu bidezkoa eta erraza izango da alde guztientzat. Hasieratik bukaerara lagunduko dizugu, ondo eramandako alokairua guztiontzat onura baita.
Baldintzak
Zure etxebizitza Limesekin alokatzea pentsatzen ari bazara, egiazta ezazu baldintza hauek betetzen dituzula.
Nire etxea egoera onean dago
- Bizitzeko moduan eta seguru egon behar du: itoginik gabe, funtzionatzen duten instalazioekin eta norbaitek bere “etxea” deitzeko prest.
- Oinarrizkoa betetzen du: berogailua, ur beroa, sukalde hornitua…
Ordainketekin egunean nago
- Etxebizitzak ezingo du alokairua baldintzatuko duen zorrik izan: (komunitateko ordainketetan zorrak, zergak…).
- Mailegu bat badu, ordainketak egunean egon behar dute.
Limesen bidelaguntza onartzen dut
- Limesek gidatzearekin ados egon behar duzu: maizterra topatzetik egunerokoa kudeatzeraino.
- Hor sartzen da bidezko kontratu bat sinatzea eta maizterra hautatzen laguntzea.
Alokairuaren prezioa arrazoizkoa izango da
- Prezioak arrazoizkoa izan behar du eta maizterrek ordain dezaketenera egokitu.
- Prezioa zuretzat ere bidezkoa izan dadin lagunduko dizugu.
Dokumentazio guztia daukat eskura.
- Jabetza-proba: eskritura edo erregistroko ohar soila.
- Eraginkortasun energetikoaren ziurtagiria (ez baduzu, kudeatu egingo dizugu).
- Nortasun Agiria edo AIZ.
- Azken ordainagiriak (komunitatea, OHZ…).
Gizarte misio honekin konpromisoa hartzen dut
- Limesekin alokatzean, kausa honetara batzen zara: etxebizitza duina pertsona guztientzat.
- Gizarteari zerbait positiboa eman eta bizitzak aldatzeko gogoa duten ugazabak bilatzen ditugu.
Laburbilduz, zure etxebizitzak egoera onean egon behar du, zorrik gabe, alokairu irisgarria eskaintzen lagundu behar duzu eta beharrezko dokumentuak prestatu beharko dituzu.
Maizterraren bilaketa
Zein modalitatetan alokatu nahi duzu zure etxebizitza?
Ongi etorri Limesera!
Alokatu zure pisu osoa segurtasunez, diru-sarrera iraunkorrak eta zero kezka.
Ongi etorri Limesera!
Alokatu zure etxebizitzako gela libre bat.
Ongi etorri Limesera!
Adinekoa bazara, gela libre bat alokatu eta konpainia lor dezakezu.
Ohiko galderak
Zergatik alokatu beharko nuke nire etxebizitza Limesekin?
Zure etxebizitza alokatu ahal izango duzulako, buruhauste bihurtu gabe. Guztiaz arduratuko gara zuk behatzik mugitu behar ez izateko. Ez duzu ezusteko desatseginik izango, ezta ustekabeko komisiorik ere. Lehen egunetik azkenera arte lagunduko dizugu: zure pisua prestatzen lagunduko dizugu bikain ikus dadin. Maizterrarekin izan daitezkeen gorabeherak konpontzen ditugu. Izapideei buruzko zalantzak argituko dizkizugu. Beharrezko mantentze-lanak kudeatzeaz arduratzen gara. Eta, batez ere, balioa erantsia ematen diozulako: etxe duinak eta irisgarriak sortzen laguntzen ari zara, gizarte-ongizateari lagunduz.